24-YANVARDAN MAKTAB VA OTMLAR ONLINE TARZDA DARS BOSHYADI

SerialTV avatar   
SerialTV
O‘zbekistonda OTMlar ham 24-yanvardan bir oy davomida onlayn ta’lim shakliga o‘tadi <br>O‘zbekistonda maktablar 24-yanvardan boshlab bir oy davomida onlayn faoliyat olib boradi

O‘zbekistonda OTMlar ham 24-yanvardan bir oy davomida onlayn ta’lim shakliga o‘tadi

O‘zbekistondagi OTMlarda ta’lim shakli 24-yanvardan bir oy davomida onlayn shaklda olib boriladi, deya xabar bermoqda Oliy va o‘rta maxsus ta’lim vazirligi.

Qayd etilishicha, Sog‘liqni saqlash vazirligi va Sanitariya-epidemiologik osoyishtalik va jamoat salomatligi xizmatining taklifiga asosan koronavirus infeksiyasining yangi shtammi bolalar va yoshlar o‘rtasida tarqalishi yuqoriligini e’tiborga olgan holda barcha oliy (davlat, nodavlat, xususiy hamda xorijiy filiallar) va professional ta’lim muassasalari, akademik litseylarda (barcha ta’lim shakllari va turlari bo‘yicha) 2022-yilning 24-yanvaridan boshlab, bir oy muddat davomida ta’lim olish tizimi masofaviy (onlayn) shaklda olib boriladi.

 

“Bunda tajribadan kelib chiqqan holda onlayn ta’lim jarayoni sifatli tarzda tashkil etilib, barcha zarur resurslar safarbar etiladi.

Temiryo‘l chiptalari tarif qismidan 50 foiz miqdorida chegirmalarini saqlab qolish va 2022-yil 24-fevralga qadar avia va temiryo‘l chiptalarini bepul tarzda boshqa muddatga almashtirib beriladi.

Mazkur masalalarni muvofiqlashtirish maqsadida Vazirlikda Maxsus shtab tashkil etilgan bo‘lib, 21 yanvar soat 9:30 dan barcha tashkiliy masalalar yuzasidan quyidagi ishonch telefonlariga (10-06, 71-246-97-45, 71-246-28-63) murojaat qilishingiz mumkin!

Shu o‘rinda bugungi murakkab vaziyatdan chiqib ketishning yagona yo‘li bu vaksinatsiya, shu bois sizlardan o‘zingiz va yaqinlaringiz salomatligini himoya qilish uchun vaksinatsiya jarayonlarida faol qatnashishingizni so‘rab qolamiz.

Epidemiologik vaziyatdan kelib chiqib, sizdan yo‘l chiptalarini almashtirishni bir oylik muddat davomida qaytish sanasi aniq bo‘lgandan keyin shoshmasdan amalga oshirishingizni so‘raymiz!”, – deyiladi vazirlik xabarida.

Shuningdek, Prezident ta’lim muassasalari agentligi tizimidagi ta’lim muassalari hamda nodavlat ta’lim tashkilotlarida ham darslar bir oy davomida onlayn davom ettirilishi ma’lum qilindi.

O‘zbekistonda maktablar 24-yanvardan boshlab bir oy davomida onlayn faoliyat olib boradi

O‘zbekiston maktablarida 24-yanvardan boshlab ta’lim onlayn shaklda boshlanadi, deya xabar qilmoqda Xalq ta’limi vazirligi.

“Koronavirus infeksiyasining yangi shtammi bolalar va yoshlar o‘rtasida tarqalish xavfini oldini olish hamda Sog‘liqni saqlash vazirligi hamda Sanitariya-epidemiologik osoyishtalik va jamoat salomatligi xizmatining takliflaridan kelib chiqib 24 yanvardan boshlab maktablardagi ta’lim jarayoni bir oy muddat davomida onlayn shaklda olib boriladi.

 

Masofaviy shaklda o‘quvchilarning sifatli ta’lim olishi uchun Milliy teleradiokompaniyaning telekanallari hamda “Onlayn maktab” telegram kanali orqali berib boriladi. “Onlayn maktab” loyihasi doirasida beriladigan darslar jadvali kunlik ravishda “Onlayn maktab” Telegram-kanali orqali e’lon qilib boriladi.

Fursatdan foydalanib, Xalq ta’limi vazirligi ota-onalardan farzandlarini uydagi xavfsizligi va sog‘ligini ta’minlagan holda “Onlayn maktab” loyihasi doirasida efirga uzatiladigan darslarni kuzatib borishlarida amaliy yordam berishlarini so‘raydi.

Shu o‘rinda bugungi murakkab vaziyatdan chiqib ketishning yagona yo‘li bu vaksinatsiya, shu bois sizlardan o‘zingiz va yaqinlaringiz salomatligini himoya qilish uchun vaksinatsiya jarayonlarida faol qatnashishingizni so‘rab qolamiz”, – deyiladi vazirlik xabarida.


Комментариев нет